Sobsan Boya 25 illik yubileyini təntənəli şəkildə qeyd etdi.

Four Seasons oteldə "Sobsan Boya"nın 25 illik fəaliyyətinə həsr olunan möhtəşəm qala gecəsi təntənəli şəkildə baş tutdu. Tədbir Azərbaycan Respublikasının dövlət himninin səslənməsi və ərazi bütövlüyümüz uğrunda canlarından keçmiş qəhrəman şəhidlərimizin əziz xatirəsinin bir dəqiqəlik sükutla yad olunması ilə başlayıb.

Gecədə bir sıra dövlət və özəl sektordan nümayəndələr, xarici qonaqlar, partnyor şirkətlərin təmsilçiləri, media nümayəndələri və incəsənət dünyasının seçilən simaları iştirak edib.

Tədbirdə  şirkətin həmtəsisçisi Zöhrab Səbzəliyev açılış nitqi ilə çıxış edərək “Sobsan”ın keçdiyi uğurlu yol, gələcək hədəfləri və 15 ölkəyə uğurlu ixrac fəaliyyəti haqqında geniş məlumat verib. Daha sonra şirkətin həmtəsisçisi Cavid Səbzəliyev də mediaya şirkətin fəaliyyəti və qarşıdakı məqsədləri haqda geniş məlumat verdi. Ardınca  “Sobsan”ın 25 illik fəaliyyətini əks etdirən xüsusi videoçarx nümayiş olunub.

Daha sonra bir sıra qonaqların təbrik çıxışları  və incəsənət adamlarının ifası ilə gecə daha da rəngarəng oldu.